იკერ კასილას ფერნანდესი (ესპ. Iker Casillas Fernández; დ. 20 მაისი 1981, მოსტოლესი, მადრიდი) — ესპანელი მეკარე, საფეხბურთო კლუბ „მადრიდის რეალისა“ და ესპანეთის ნაკრების კაპიტანი. 2-ჯერ ევროპის ჩემპიონი (2008 და 2012) და მსოფლიოს ჩემპიონი (2010). „მადრიდის რეალის“ რიგებში მან 5-ჯერ მოიგო ლა-ლიგა, 2-ჯერ ესპანეთის თასი და 4-ჯერ დაეუფლა ესპანეთის სუპერთასს. ევროპულ და საერთაშორისო საკლუბო დონეზე იკერი 3-ჯერ გახდა ჩემპიონთა ლიგის გამარჯვებული, 2-ჯერ უეფას სუპერთასის მფლობელი და ერთხელ დაეუფლა მსოფლიო საკლუბო ჩემპიონატს[1].
იკერ კასილიასი თანამედროვეობის ერთ-ერთი საუკეთესო მეკარეა. 5-ჯერ არის დასახელებული მსოფლიოს საუკეთესო მეკარედ ფეხბურთის ისტორიისა და სტატისტიკის საერთაშორისო ფედერაციის მიერ (2008, 2009, 2010, 2011, 2012)[2], 2000 წელს ახალგაზრდა იკერ კასილიასი გახდა ბრავოს თასის მფლობელი[3], შემდეგ კი 2007/08 წლების სეზონის შემდეგ კი დაეუფლა ზამორას თასს.
2010 წელს გახდა მსოფლიოს ჩემპიონი სამხრეთ აფრიკაში და დასახელდა ტურნირის საუკეთესო კარის დარაჯად, ამისთვის კი დააჯილდოვეს ოქროს ხელთათმანით. 6-ჯერ შევიდა უეფას მიერ დასახელებულ სიმბოლურ ნაკრებში (2007,2008,2009,2010,2011,2012), 5-ჯერ არის შესული მსოფლიოს სიმბოლურ ნაკრებში (2008, 2009, 2010, 2011, 2012,) ევროპის ჩემპიონატებზე 2008 და 2012 წელს და მსოფლიო ჩემპიონატზე 2010 წელს იკერ კასილასი მოხვდა ტურნირების სიმბოლურ ნაკრებებში[4].
იკერ კასილიასი რეკორდსმენია ესპანეთის ნაკრებში ჩატარებული შეხვედრების რაოდენობით (156 შეხვედრა)[5]. ასევე მას ეკუთვნის რეკორდი კარის მშრალად შენახვისთვის, მას 73 ჩატარებულ შეხვედრაში ნაკრებში გოლი არ გაუშვია. ასევე ნაკრებში ეკუთვნის რეკორდი მოგებული შეხვედრების მიხედვით, მან ნაკრების მაისურით 95 გამარჯვება იზეიმა[6].
სამი ფეხბურთელიდან კასილიასი ერთ-ერთია, რომლებმაც კაპიტნის რანგში მოიგეს როგორც ჩემპიონთა ლიგა, ისე ევროპის და მსოფლიო ჩემპიონატები[7].
No comments:
Post a Comment